Búscase desta maneira fomentar o coñecemento dos veciños das súas propias e diversas realidades sociais baixo os valores do respecto e da tolerancia.

A metodoloxía do taller propón unha dinámica de traballo activa e participativa. Para levar a cabo o proxecto contarase con 10 persoas do barrio ás que se lles impartirá un taller de achegamento á linguaxe fotográfica e a narración visual. Tras o taller serán elas as que retraten a súa propia realidade, utilizando a fotografía como ferramenta para contar historias.

Estrutura da actividade:

Día 1:

• Presentación do proxecto, descrición, finalidade e forma de execución.
• Saída de campo pola contorna do barrio.

Día 2:

• Descarga do material obtido.
• Visualización, selección e posterior análise das imaxes máis interesantes.
• Valoración narrativa dos resultados obtidos.

Día 3:

• Segunda e última saída de campo pola contorna do barrio, dirixida a obter resultados máis concretos.
• Descarga do material obtido.

Día 4:

• Visualización, selección e posterior análise das imaxes máis interesantes.
• Visionado xeral, análise de todas as imaxes e selección para a súa posterior impresión en pequeno formato.
• Construción da obra final.

Día 5:

• Edición do material impreso e posterior montaxe dixital para enviar á imprenta.
• Pegada de carteis.

QUEN: Amador Lorenzo http://www.phe.es/es/phe/descubrimientos_participantes/197/amador_lorenzo e un equipo de 10 colaboradores.

ONDE: centro Ágora e rúas do barrio da Agra do Orzán.