Para iso intentarase reflectir o barrio a través da interpretación das caras dos seus habitantes nun dos seus muros, de 2 m de alto con siluetas predeterminadas de caras no que a mocidade pintará e desenvolverá as súas pezas.

A cada 2 mozos corresponderalles unha delas e dentro desa forma poderán intervir libremente, facendo o personaxe do barrio que queiran. Previamente ensinaránselles distintas técnicas: poderán crear grandes manchas de cor coas brochas, liñas finas con sprays, degradados, ou mesmo facer unha "plantilla".

Durante todo o día a música acompañará a acción da man de mixtapes realizadas para a ocasión por algúns dos dj´s máis coñecidos da cidade de distintas épocas.

QUEN: Colectivo Bababum http://bababun.bandcamp.com e un equipo de 8 colaboradores de entre 13 e 17 anos.

ONDE: Muro exterior do pavillón polideportivo do CEIP Raquel Camacho.