Uso de cookies nas páxinas web do Concello de A Coruña

Nas páxinas web municipais utilizamos cookies propias e de terceiros para mellorar os nosos servizos mediante o análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso"..

Alcaldía

    Nacín no barrio dos Mallos, e despois de pasar polo Martinete e por Eirís, son agora veciño da Gaiteira. Estudei no Colexio Calasanz da Coruña, e fixen o bacharelato no Instituto Rafael Puga Ramón. Son licenciado en Dereito pola Universidade da Coruña, onde lin tamén a miña tese de doutoramento no ano 2002, co traballo titulado "A protección da vítima no proceso penal", que se convertería en 2005 na primeira das monografías xurídicas da miña autoría. Tras realizar diversas estadías de investigación en Alemaña, EUA (por dúas veces), Chile e Bélxica, culminei a miña carreira académica e profesional accedendo á praza de Profesor Titular de Universidade no ano 2012. Entre os anos 2012 e 2015 fun Maxistrado Suplente da Audiencia Provincial de Lugo, posto ao que renunciei para presentar a miña candidatura á Alcaldía da Coruña pola Marea Atlántica.

    Accede á súa  AXENDA INSTITUCIONAL

    Blog

    • No pregón das Festas de María Pita 2015

      María Pita 2017: Dereito a rir e festexar

      1 de agosto de 2017

      A esta cidade non a para ninguén! Hoxe, 1 de agosto, arrincan as Festas de María Pita, e o goberno local non podía iniciar este mes de troula doutro xeito que estando coa xente do común, con todos e todas as que facedes A Coruña como é: plural, diversa e acolledora. Unha cidade como o noso mar, que tanto carácter nos imprime: aberta e orgullosa. Que aloumiña, como as ondas na costa, e que ruxe, como as tempestades, ante a inxustiza.

      Hoxe damos comezo a un mes de celebración e convivencia. Un mes necesario para coller folgos ante o inicio do novo curso, en setembro (e aproveitade, porque os días e as noites pasan rápidas cando hai ledicia). Este mes de festa será tamén tempo de reencontros, de visitas, da chegada de amigos e amigas que non poden estar con nós o resto do ano, pero que non perderían por nada do mundo a xoldra dos nosos barrios. Damos comezo hoxe a unhas festas ás que temos dereito, porque, que ninguén vos diga o contrario, a felicidade tamén é un dereito. Ao fío disto e dende aquí, quero facer un chamamento: apelo ao sentidiño de todos e de todas. Que nada nos amargue unha celebración que, sen dúbida, merecemos.

      O programa deste ano é a continuidade dun relato de cidade que comezou no verán de 2015, hai dous anos, cando o Goberno que presido chegou a María Pita e puxo en marcha, contra reloxo, unhas festas que apenas estaban esbozadas por parte do Executivo saínte. Aquel ano marcamos as bases do que queriamos facer. Unhas bases que continuaron medrando en 2016, e que este 2017 teñen a súa máis ampla plasmación. As festas deben ser de todas e para todas, implicando á cidadanía, que non só é receptora, senón protagonista. Son as festas dos barrios, dos Manicómicos, do FamiliRúa, do Noroeste das cen bandas e os quince escenarios... Son as festas das Noites de María Pita, da Feira do Libro, do 20 aniversario de Viñetas desde o Atlántico...

      As Festas de María Pita son as da multidisciplinariedade, a pluralidade, a reformulación, a ampliación e a descentralización de espazos. As festas dunha Coruña que quere superarse a si mesma. Por iso, de feito, esta noite, antes do concerto inaugural a cargo de Xoel López, teremos como pregoeiro a outro dos nosos veciños olímpicos. Un coruñés que hai 33 anos perdeu as festas da súa cidade. Estaba en Los Ángeles, facéndolle un tapón ao mesmísimo Michael Jordan.  Falo de Fernando Romay. A súa figura sempre nos convidará a soñar, e a saber que non hai teito ao que non poidamos chegar nin canastra que non poidamos taponar. Temos dereito a rir e a festexar. Felices Festas de María Pita!

    Blog

    • Concello da Coruña
      • Ayuntamiento de A Coruña | Concello da Coruña
      • Praza de María Pita, 1. 15001 A Coruña
      • 981 184 200 | 010
    Tes un navegador demasiado antigo!

    Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Safari e Microsoft Internet Explorer 10 ou superior. Instalar agora un navegador compatible

    ?