Estes disturbios son citados como a primeira ocasión na que a comunidade LGTB loitou contra un sistema que perseguía as persoas homosexuais e son xeralmente recoñecidos como o catalizador do movemento moderno prodereitos LGTB en todo o mundo.

As municipais, pola nosa parte, temos un forte compromiso coas persoas que se achegan á biblioteca pública buscando información sobre o feito homosexual, bisexual e transexual. Sabemos que isto require de nós unha resposta eficiente. Esta resposta debe traducirse nunha integración total de materiais que toquen a temática LGTB nos nosos estantes e, ademais, no ciberespazo. Por todo isto unímonos á campaña municipal "Vive a túa Cor. Sexualidades Diversas, Identidades Libres" co obxectivo de reivindicar os dereitos e visibilizar ao colectivo LGTBQI:

• o carné das bibliotecas dáche descontos especiais na compra de materiais desta temática en 14 librarías da cidade ,
• actualizamos a selección de recursos LGTB que podes atopar na túa biblioteca,
• abrimos unha nova sección web con información sobre as diversidades sexuais nas bibliotecas,
• e organizamos estas actividades ás que non podes faltar.