- Inicio
- Actividades
- Actividades destacadas 2017
- Servizos culturais en Novo Mesoiro
Servizos Culturais en Novo Mesoiro
Este proceso participativo, promovido pola Concellaría de Participación e innovación democrática, persegue a articulación de servizos culturais municipais en Novo Mesoiro.
Dá comezo porque é necesario dar unha resposta a curto prazo ás expectativas da poboación, de cara á necesidade de ampliar a oferta de servizos culturais deste barrio e outros próximos.
Desenvólvese para recoller ideas, necesidades e propostas concretas, que sirvan de base para organizar un servizo municipal cultural polivalente e flexible.
Por que debes participar?
Para que o proceso sexa válido e útil. Para obter a máxima información posible sobre intereses, necesidades e desexos. Para garantir a intervención, nas distintas fases do proceso, de todos os colectivos implicados: familias, maiores, mocidade, etc.
Cando terá lugar?
- o primeiro encontro presencial aberto para a presentación do proceso, celebrarase no Centro Cívico de Novo Mesoiro o día 23 de marzo, ás 20:00 horas.
- o martes, 28 de marzo, terá lugar o proceso dirixido a persoas maiores e xubiladas.
- o xoves, 30 de marzo, terá lugar o obradoiro de traballo dirixido a familias e mocidade.
- finais de abril/primeiros de maio, terá lugar o encontro final.
Para facilitar a asistencia ofrecerase un servizo gratuíto de conciliación para menores e un servizo de intérprete de linguaxe de signos.
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible