Paula Carballeira adícase profesionalmente ao teatro e á narración oral desde 1992. Foi convidada aos principais festivais de narración oral tanto nacionais como internacionais e é autora de varios títulos de literatura infantil e xuvenil ademais de libros escolares de Lecturas. 

"¿Gústame ler historias de terror ao mediodía, porque de noite teño medo. Pola mañá, collo un libro que me faga rir para comezar ben o día, e cando me deito chamo o sono con poemas ou aventuras que me leven lonxe, para soñar con outras terras. Todas esas historias quedan na miña cabeza e piden saír ás veces, por iso me dedico a contalas polo mundo adiante ou a escribir as que me gustaría que alguén lese. Se queres acompañarme, coñecerás algún medo, algunha terra de lonxe, algo de min, da miña familia. Prometo sorpresas, aventuras e sorrisos". Asinado: Paula C.

As prazas adxudicaranse por rigorosa orde de inscrición. Só os nenos e nenas necesitan inscrición. Imprescindible asistencia mínimo cun adulto.

Esperámosvos!