O vindeiro luns 27 de maio ás 19,00 h. temos na Biblioteca Municipal Forum Metropolitano a presentación do libro "Os milagres de Vilaseca do Río" de Antonio Balboa, dentro do programa #LunsDeEncontros.

Presentación organizada por Edicións Fervenza. Acompañarán ao autor, Xosé Luis Vilela, director de La Voz de Galicia; Xosé Ramón Freixeiro, profesor; Laura Cedrón, animadora sociocultural do Forum e Anxo Lorenxo, director xeral de Políticas Culturais da Xunta de Galicia.

O marco xeográfico en que a acción de "Os milagres de Vilaseca do Río" se desenvolve non se afasta moito da área mindoniense, pois ten o seu centro nunha aldea de nome ficticio nas proximidades de Vilalba, terras por onde Cunqueiro, convertido novamente en personaxe literaria, exerce un poder benéfico derivado da súa popularidade e bonhomía, cal eficaz conseguidor sempre disposto a apoiar causas nobres e xustas con base nos seus múltiplos saberes e nas súas privilexiadas relacións persoais.

As persoas que enfronten a lectura desta obra van achar nela moitos dos trazos singulares que caracterizan a escrita literaria de Antonio Balboa.