O Servizo de Normalización Lingüística do Concello da Coruña organiza o AgoraSón do outrono 2019, que reúne a Xurxo Souto, Lydia Botana e Vudú. Para asistir, a cidadanía só precisa recoller os convites nos distintos centros da rede de bibliotecas, no seu horario habitual de apertura, e que se reparten pola retirada de libros, música e/ou cine en galego. Con cada carné de socia ou socio poderase coller até un máximo de dous convites para este espectáculo.

Outra opción para conseguilas é participar no sorteo que organizamos en Instagram (@bibcoruna).

O Agorasón é unha iniciativa gratuíta e aberta á veciñanza que procura promover a lectura en lingua galega, así como proporcionar alternativas de lecer na poboación moza e adulta e promocionar a música na lingua do país.