Concertos e recitais
Persoas adultas
14/01/2019
Xa rematou
Entrada libre ata completar a capacidade
20.30h
1h
Centro Sociocultural Ágora. Lugar da Gramela 17. 15010 A Coruña
Continúa imparable a 10ª edición do ciclo mensual de recitais POETAS DI(N)VERSOS, as citas mensuais co mellor da poesía de Galicia e do resto do mundo, que no 2014 recibiu o Premio da Crítica Galicia á Mellor Iniciativa Cultural.
O vindeiro luns 14 de xaneiro, dúas grandes personalidades compartirán lectura poética na Coruña: Valter Hugo Mãe e Miguel-Anxo Murado.
O primeiro naceu en Angola aínda que reside hoxe en Vila do Conde (Portugal), o segundo é natural de Lugo e vive en Madrid dende hai anos. Ambos posúen visións personalísimas da escrita e do mundo que os rodea, son carismáticos e polígrafos; o portugués é tamén un exitoso narrador, editor, cantante e presentador de televisión, traducido a multitude de linguas e unha das imprescindibles voces portuguesas, e o galego, ademais de columnista e un ensaísta inesquecible, foi xornalista especializado en conflitos armados, por iso cubriu a Guerra dos Balcáns ou traballou para a ONU vivindo anos en Oriente Medio.
Queres saber ...
En que consiste Poetas di(n)versos?
O ciclo "Poetas di(n)versos" está composto de citas mensuais coa mellor poesía de Galicia e do resto do mundo. Son actos de arredor dunha hora de duración, abertos e totalmente gratuítos, nos que propios e estraños poderán gozar de versos lidos en idioma orixinal e en tradución ao galego, nas voces dos seus autores e autoras, para descubrir a forza e emoción da palabra lírica.
Máis informaciónPrazas esgotadas e lista de espera activa? Apúntate! Explicámosche por que. + info
Para o correcto desenvolvemento e aproveitamento das actividades rógase puntualidade xa que non se poderá acceder ao espazo pasados 5 minutos da hora de inicio.
No transcurso de todas as actividades o persoal bibliotecario realiza fotografías co obxectivo de subilas logo aos escaparates virtuais, redes sociais e/ou incluílas en carteis ou guías nos que se publicitan os programas, actividades e servizos das bibliotecas.
Se non desexas saír nestas fotografías, por favor, fala connosco antes do inicio da actividade.
Escribe a palabra ou palabras que desexas buscar:
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible