Desde a súa fundación a agrupación levou a cabo a tarefa de reunir, harmonizar, difundir e conservar a cultura do pobo galego, e fixo, tamén, aportacións novidosas como a presentación de mulleres, por primeira vez nos escenarios galegos, cantando no coro, aspecto este, que acabaría xeneralizándose entre todos os coros folclóricos do país.

A celebración das Bodas de Ouro fundacionais do Coro Cántigas da Terra, deu lugar a unha serie de actos, homenaxes e festivais, ademais da publicación deste folleto no que se reseña o máis interesante das súas actividades artísticas, culturais e sociais. Hoxe, 50 anos despois, a agrupación sigue traballando movido polos mesmos ideais que a viran nacer.