Nas bibliotecas temos preparada unha escolma de materiais que che permitirán achegarte á figura de Carlos Casares, homenaxeado deste ano na efeméride. Achégate á túa biblioteca e recomendarémosche, cada día, materiais en galego para que descubras.

Podes participar nesta celebración de diversas formas:

• Se es integrante de algún dos clubs de lectura das bibliotecas, convidámoste a achegarte á figura do homenaxeado a través dun roteiro que destaca os vinte puntos sinalizados para coñecer o Ourense de Casares,
• Se formas parte dun club de lectura dos centros públicos de educación secundaria do grupo DADO, asistindo á Gala de Premios do I Concurso de Microrrelatos que terá lugar no Centro Ágora. Nela, a biblioteca presentará, a través do programa Ler conta moio da Xunta de Galicia, o espectáculo "Black", dirixido por Iria Mejuto, no que se intercalará música coa lectura animada dos microrrelatos.
• Colaborando na wiki que recolle Os mellores da lingua galega,
• Subindo a túa foto a Facebook, Twitter ou Instagram e etiquetándonos (@bibcoruna). A foto ten que incluír:
  • un libro en galego (preferiblemente dunha editora pequena)
  • un elemento natural (flor, ramallete, ramiña...)
  • un sorriso
  • os cancelos #ramalletesbmc e #letrasgalegas2017
• Asistindo a algunha das actividades que temos programada.