En que consiste?

Nunha serie de accións que se desenvolverán a partir do día 6 de marzo de 2018 e que dan resposta á crecente demanda cidadá de información e debate sobre temas relacionados cos feminismos, as violencias machistas e as diversidades afectivo sexuais, todos eles tratados dende  múltiples enfoques: económico, político, histórico, sociolóxico... Proxecto que, ademais, este ano 2018 se concreta na constitución dunha colección especializada, en forma de centro de interese na Biblioteca Ágora, con máis de 500 documentos relacionados cos temas mencionados e a programación de dúas actividades ao largo do ano: exposición sobre mulleres científicas chamada "Muller tiña que ser" e ciclo de cine de xénero "Purplewatching".

Cales son os obxectivos?

• Proporcionar espazos para todos aqueles colectivos e organizacións, así como a persoas que de xeito individual traballan na visibilidade e consecución da igualdade dos dereitos das mulleres e colectivos LGTBIQ.
• Dar entidade e amosar os contidos relacionados con Muller e LGTBIQ, apoiando as accións que cada ano son desenvoltas no marco do Concello da Coruña arredor desta temática (Día do Orgullo e da Muller traballadora).
• Poñer en valor e dar a coñecer o fondo que ten a cidadanía á súa disposición nun centro de interese con contido especializado.
• Apoiar entre a veciñanza un modelo de sociedade formado e informado en cuestións de igualdade, respecto e loita pola defensa da diversidade e dos dereitos humanos.
• Abrir espazos de debate, actividades  e experiencias de traballo arredor desta cuestión que se desenvolvan na cidade e que supoñan un exemplo de "mainstreaming" de xénero.

Liñas estratéxicas

• Enriquecimento da colección con fondos relacionados co obxecto do proxecto.
• Programación de actividades para difudir o fondo e para convertir ás bibliotecas en espazos de debate e formación en comunidade sobre os temas en cuestión.