Resulta fundamental que os nenos e as nenas teñan nos seus proxenitores, aos que están unidos por unha relación de apego, o exemplo deste benestar baseado no afecto, no respecto, no autocoñecemento e na propia estima. Débese satisfacer a curiosidade natural dos fillos e das fillas en relación coa temática afectivo-sexual, fuxindo de tabús e evitanto censurala cando a manifestan tanto a través de preguntas como de xogos de exploración corporal.

Da man dos Ratos de Lonxe de Todo, da compañía Trinketrinke Teatro, e a través dos contos traballarase a boa saúde afectivo-sexual, básica para o desenvolvemento dunha persoa. Entre os obxectivos que persegue esta actividade, a través da literatura infantil, están:

• Fomentar unha visión positiva da curiosidade infantil como motor de toda aprendizaxe
• Dar a coñecer o proceso afectivo-sexual da procreación-concepción
• Proporcionarlles aos pais e ás nais pautas para a satisfacción da curiosidade infantil
• Contribuír a un desenvolvemento satisfactorio da saúde afectivo-sexual dos nenos e das nenas

Os contos que forman parte da sesión son: ¿A dónde vas, Guille?, Mamá puso un huevo e Lo que papá me ha dicho.

Este contacontos forma parte da programación do Centro de Planeamento Familiar da Coruña na celebración do seu 35º aniversario.