Rita Más dedicou seis anos a escoitar ás mulleres enloitadas de Galicia, para mostrar e dar voz ás que nunca foron escoitadas e mantiveron uns costumes que desvelan a desigualdade existente entre homes e mulleres tanto no acceso á cultura, a participación en festas e actos sociais e no dereito a manifestar os seus sentimentos.

As fotografías, audiovisual e gravacións que dan lugar á exposición foron recollidos  por distintas aldeas, municipios e cidades galegas das catro provincias.

Para estas mulleres, as informantas, como Rita as chama, son mulleres para as que o loito ten un significado especial: forma parte da súa identidade, da súa cotidianeidade, pero tamén das súas resistencias.