Assane, cubana de nacemento e coruñesa de adopción, aterra no Squad de Paz&Records para converterse na raíña do RnB. Con tan só dous temas publicados é finalista nos premios Martín Codax da Música 2018 (categoría: hip-hop/músicas urbanas) e en maio de 2018 saca ao mercado a súa ópera prima, o LP Through the Ocean. Os seus primeiros concertos son xunto a dous grandes do panorama. Debuta sobre o escenario en marzo de 2018 na Sala Capitol (Compostela) como artista convidada de Hard GZ, coruñés e un dos rapeiros máis exitosos e en auxe de España. Dúas semanas despois como artista convidada de Ricky Hombre Libre (Garufa - A Coruña) e repite como convidada de Hard GZ en xuño en Vitoria. O seu último concerto foi nun concerto de flamenco (con El Farru, Joselito e Luis Kito no cartel) onde ademais de mostrar a súa música, arríncase cunha fusión rap-flamenco xunto á banda de flamenco-rumba "Sueños cumplidos".