Concello da Coruña

Concello da Coruña

Bibliotecas Municipais

Área de Fomento e Promoción da cidade

Poetas di(n)versos: Andrew McMillan e Gonzalo Hermo

Por tipo de actividade:

Concertos e recitais

Por tipo de público:

Persoas adultas

Cando:

18/03/2019

Xa rematou

Inscricións:

Entrada libre ata completar a capacidade

Horario:

20.30h

Duración:

1h

Enderezo:

Centro Sociocultural Ágora. Lugar da Gramela 17. 15010 A Coruña

Documentos:

folleto_marzo2019 (4 MB)

O ciclo "Poetas di(n)versos" son citas mensuais co mellor da poesía de Galicia e do resto do mundo, que no 2014 recibiu o Premio da Crítica Galicia á Mellor Iniciativa Cultural.

Andrew McMillan naceu en 1988 no condado inglés de Yorkshiredo Sur e vive hoxe en Manchester, onde traballa como lector senior da Escola de Escrita de Manchester, pertencente á Manchester Metropolitan University.

A ópera prima desta auténtica revelación da última poesía británica-physical [Físico]- foi o primeiro libro de poesía capaz de acadaro Premio The Guardian ao Mellor Libro Debut. A mesma colección de poemas acadou tamén o Premio Fenton Aldeburgh ao mellor poemario debutante, o Premio Somerset Maugham (2016), o PremioEric Gregory (2016) e o Premio dos Escritores do Norte (2014). Así mesmo resultou nomeada a galardóns tan prestixiosos coma o Dylan Thomas, o Premio Costa de Poesía, o The Sunday Times ao Escritor Mozo do Ano 2016, o Forward á Mellor Primeira Colección, o Roehampton de Poesía e o Polari ao Mellor Primeiro Libro. Do mesmo xeito foi sinalado como Recomendación para o Outono 2015 pola afamada Poetry Book Society. Por todo iso, Físico non tardou en ver a luz en noruegués (2017), logo en edición bilingüe inglés francés (2018) e faino nestes mesmos días en galego, na editorial compostelá Chan da Pólvora e grazas á tradución de Isaac Xubín.

O segundo poemario de McMillan, playtime [Recreo], publicouse en Jonathan Cape o pasado ano, e foi Recomendación para o Outono 2018 da Poetry Book Society.

Gonzalo Hermo naceu en Taragoña (Rianxo) en 1987. Na Universidadede Santiago licenciouse en Filoloxía Galega e doutorouse en Lingüística. Traballou no Instituto da Lingua Galega, impartiu docenciana mesma universidade na que se formou e fíxoo tamén na Universitat Autònoma de Barcelona. Deuse a coñecer na primeira xuventude publicando textos en revistas como Dorna, Andar 21, Nova Ólisbos ou a Revista das Letras do xornal Galicia Hoxe. Gonzalo Hermo reside actualmente en Barcelona, traballando no sector editorial e tamén como profesor do curso anual de poesía da Escola de Lletres. Ademais, exerce a crítica literaria para diversos medios galegos e cataláns e é membro fundador da editora e libraría Chan da Pólvora.

Os seus -até o de agora- tres libros de poemas comezaron con Crac(2011). Seguiulle Celebración (2014), que sería traducido ao catalán (Godall, 2016) e ao castelán (La Bella Varsovia, 2017). O mesmo título acadaría en 2014 o Premio da Crítica Española, e en 2015 significaría o primeiro Premio Nacional de Poesía Moza "Miguel Hernández" outorgado a un poemario galego. A súa obra máis recente, A vida salvaxe (2018) mereceu o prestixioso Premio de Poesía Afundación. Alén diso, Hermo participou en festivais de poesía de ámbito nacional e internacional, caso dos de Barcelona, Córdoba (Arxentina) ou Ottawa (Canadá).

Coma sempre, unha libraría de proximidade poñerá á venda os títulos das convidadas, quen se ofrecerán a asinar exemplares.

As inscricións

Prazas esgotadas e lista de espera activa? Apúntate! Explicámosche por que. + info

Para ter en conta

Para o correcto desenvolvemento e aproveitamento das actividades rógase puntualidade xa que non se poderá acceder ao espazo pasados 5 minutos da hora de inicio.

No transcurso de todas as actividades o persoal bibliotecario realiza fotografías co obxectivo de subilas logo aos escaparates virtuais, redes sociais e/ou incluílas en carteis ou guías nos que se publicitan os programas, actividades e servizos das bibliotecas.

Se non desexas saír nestas fotografías, por favor, fala connosco antes do inicio da actividade.

Buscador de actividades

Escribe a palabra ou palabras que desexas buscar:

Se o prefires, combina distintos criterios na procura avanzada ou busca nun calendario

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión