En que consiste o club de teatro lido?

O club de teatro lido é un grupo de persoas que se reúne semanalmente na biblioteca Sagrada Familia para traballar arredor do teatro lido. Partimos de textos, non necesariamente dramáticos, de todos os estilos e tempos, tanto en galego como en castelán, para mediante xogos e técnicas de expresión oral, realizar unha montaxe que se representa ao final do curso.

En grupo trabállanse os textos, dáselle forma dramática se non a teñen, analízanse os personaxes, búscase un fío condutor que enlace todos eles e, finalmente, intégranse con música e audiovisuais, para lograr o espectáculo final.

Ademais de mellorar a lectura e expresión en público, tamén se aprenden métodos de interpretación, non só oral, senón tamén corporal. E todo dun xeito divertido e adaptado a cada participante.