Non fai falta explicar o poder da historieta para emocionar, conmover, axitar, ou impresionar a quen se atreve a mergullarse entre as súas páxinas. Hai cómics que entreteñen marabillosamente, sen máis (nin menos). E hai cómics que despois de lelos algo no interior de un cambia para sempre. È neses nos que nos imos deter. Historias que mostran realidades complexas, actuais, próximas e recoñecibles por todos e todas.

O mundo está moi revolto e necesitamos referentes, espellos nos que mirarnos para entender as cousas que pasan ao noso arredor. Por iso deixámosvos unha selección de cómics de temática social que pretende ser unha xanela aberta ao que sucede non tan lonxe e oxalá sirva para reflexionar e remover conciencias.

Somos conscientes da importancia da lectura nas primeiras idades e, especificamente, da importancia da lectura de cómics porque, entre outras cousas, fomenta a creatividade e a expresión artística.

Esta guía ofrece algunhas recomendacións clasificadas por idades para axudar a seleccionar o cómic máis axeitado.