Uso de cookies nas páxinas web do Concello de A Coruña

Nas páxinas web municipais utilizamos cookies propias e de terceiros para mellorar os nosos servizos mediante o análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso"..

Bibliotecas Municipais

Préstamo interbibliotecario

Mans con globo terráqueo e libro

O préstamo interbibliotecario é un servizo mediante o que che proporcionamos acceso a materiais que non se atopan dispoñibles en ningunha biblioteca da cidade

Que podo solicitar?

Calquera tipo de publicación que non ofreza ningunha biblioteca da cidade. Será a biblioteca posuidora do documento, de acordo ao seu regulamento propio, a que decidirá se efectúa o préstamo do documento orixinal ou se remite unha reprodución del (fotocopia ou arquivo dixital). No caso de recibir o documento orixinal, este permanecerá na Biblioteca Municipal de Estudos Locais e deberás consultalo na sala desta biblioteca.

Como o solicito?

Tes que cubrir e entregarnos o formulario de solicitude de préstamo interbibliotecario na Biblioteca Municipal de Estudos Locais, do que che proporcionaremos unha copia que deberás presentar cando veñas consultar o material solicitado ou retirar a reprodución encargada. No caso de que solicites material que estea dispoñible nalgunha biblioteca da cidade informarémoste diso para que poidas dirixirte a ela.

Custo do servizo

O importe das reproducións e os custos de tramitación veñen fixados polas bibliotecas de orixe. Ao facer a petición informarémoste do prezo máximo que pode chegar a custar o servizo. En caso de pasarse este importe consultarémoscho antes de tramitar o préstamo.

En que prazo recibo o material que solicitei?

O prazo para a localización do material e a tramitación do pedido será como máximo de 15 días. Unha vez recibido poñerémonos en contacto contigo para informarte do prezo exacto das reproducións e do tempo de que dispós para consultalo.

Canto dura o préstamo?

O prazo máximo é de 1 mes, incluíndo o tempo requirido para o envío e a devolución dos documentos.

E se quero cancelar unha petición de préstamo interbibliotecario?

Débelo comunicar canto antes. Se a publicación fose xa solicitada en fotocopia ou microforma, deberaste facer cargo dos gastos ocasionados.

Lexislación aplicable

O uso de calquera publicación recibida no seu formato orixinal realizarase de acordo coa lexislación sobre propiedade intelectual vixente.

Busca no catálogo

Buscador de actividades

Escribe a palabra ou palabras que desexas buscar

Se o prefires, podes realizar a túa procura combinando distintos criterios. Só tes que acceder á procura avanzada

  • Concello da Coruña
    • Ayuntamiento de A Coruña | Concello da Coruña
    • Praza de María Pita, 1. 15001 A Coruña
    • 981 184 200 ou desde dentro do termo municipal ao teléfono de atención 010
     ¦ 
    • Servizo Municipal de Bibliotecas
    • Durán Loriga 10, A Coruña
    • Chámanos / Luns a Venres: 9-21 h.
Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Safari e Microsoft Internet Explorer 10 ou superior. Instalar agora un navegador compatible

?