Uso de cookies nas páxinas web do Concello de A Coruña

Nas páxinas web municipais utilizamos cookies propias e de terceiros para mellorar os nosos servizos mediante o análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso"..

CMIX

Mocidade SF

Logo Mocidade SF, acompañado de tres imaxes de diferentes actividades que se realizan neste proxecto.

Programa de dinamización xuvenil no barrio da Sagrada Familia

Que é MOCIDADE SF?

MOCIDADE SF é un proxecto de dinamización xuvenil que se desenvolve no Barrio da Sagrada Familia co obxectivo de crear un espazo de referencia para a mocidade da Sagrada Familia e arredores, onde a xuventude poida realizar actividades do seu interese en grupo.

Esta iniciativa nace dunha proposta da cidadanía ao Concello, que este recolle -a través da Concellaría de Participación e Innovación Democrática- para incidir na mellora da súa calidade de vida así como da veciñanza. A filosofía deste proxecto baséase en escoitar os intereses e as necesidades da mocidade, crear vínculos de confianza coas persoas e dotalas de ferramentas para que elas mesmas poidan organizarse e decidir dentro deste espazo. Deste xeito, ponse en marcha unha experiencia de aprendizaxe para a participación; unha iniciativa na que os grupos de mozas e mozos -que quedan normalmente excluídas dos espazos de decisión- formulan as súas inquietudes e elaboran respostas propias de acción para a transformación da súa realidade e mellorar as súas opcións de ocio e tempo libre.

En MOCIDADE SF participan diferentes persoas dinamizadoras que colaboran coa mocidade asistente para levar a cabo as súas ideas de actividades para o espazo.

Onde está?

O proxecto centra a súa atención na Sagrada Familia, un barrio cunha alta densidade de poboación, que presenta unha gran diversidade cultural e padece unha serie de problemáticas sociais específicas (desemprego, rendas baixas, violencia de xénero etc.). A iso únese un marcado baleiro no referido ás actividades e aos espazos dirixidos á poboación xuvenil. O proxecto MOCIDADE SF desenvolve as súas accións na 4ª planta do Centro Social Sagrada Familia (r/ Sagrada Familia, 26)

Cando podes asistir?

De luns a venres de 16.30 h a 20.30 h

A entrada é de balde e aberta a toda a mocidade que queira participar de maneira activa na proposta de actividades e desenvolvemento de MOCIDADE SF.

Como funciona MOCIDADE SF?

As normas do espazo páctanse colectivamente, existen unhas normas básicas de convivencia establecidas polas dinamizadoras. Todas e todos comprometémonos a coidar do espazo, das persoas e das relacións.

As decisións das actividades para desenvolver son asemblearias. O funcionamento é por troque: o uso do espazo por algo que ti queiras achegar (unha clase, xestión de actividades, compromiso de participación...)

Cales son os obxectivos de MOCIDADE SF?

O proxecto nace co obxectivo de fomentar a participación da xente moza do barrio da Sagrada Familia, aumentando as súas capacidades para dar resposta ás súas propias capacidades e intereses. Para conseguilo, a iniciativa MOCIDADE SF parte duns obxectivos concretos:

  • Dotar de ferramentas as persoas que acoden ao espazo para que nun futuro poidan xestionarse por si mesmas.
  • Informar e orientar a mocidade sobre recursos existentes, actividades e outra información do seu interese.
  • Xerar propostas para a mellora de habilidades e competencias sociais que faciliten procesos de maduración e de responsabilidade social da xuventude do barrio.
  • Motivar á acción no barrio.

Que tipos de actividades podes atopar?

En MOCIDADE SF as actividades son propostas polas mesmas persoas que acoden ao espazo. Nesta iniciativa é importante que a toma de decisións e organización das accións partan da mesma mocidade que despois asistirá, polo que son elas mesmas quen deciden.

Algunhas das actividades que foron propostas pola mocidade desde a apertura do espazo, son: clases de baile, clases de cubo de rubik, charlas sobre o maltrato animal, espazo para xogos, apoio escolar, creación dun clube de lectura etc.

Como podes participar?

Achegándote ao espazo e... formando parte do grupo!

Non perdas

Actividades

Onde estamos

Centro Municipal de Información Xuvenil (CMIX)

Fórum Metropolitano

  • R/ Río Monelos, s/n, 15006 A Coruña
  • Tel.: 981 184 294
  • Fax: 981 184 295
  • Email: cmix@coruna.es
  • Horario: De luns a venres, de 10 a 14 e de 17 a 20 h. Sábados, de 11 a 14 h.
  • Horario de verán: pechado os sábados.
  • Agosto: De luns a venres, de 09:30 a 14:30 h.
  • Servizo de orientación legal: De luns a xoves, de 17 a 20 h.
  • Concello da Coruña
    • Ayuntamiento de A Coruña | Concello da Coruña
    • Praza de María Pita, 1. 15001 A Coruña
    • 981 184 200 ou desde dentro do termo municipal ao teléfono de atención 010
Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Safari e Microsoft Internet Explorer 10 ou superior. Instalar agora un navegador compatible

?