Uso de cookies nas páxinas web do Concello de A Coruña

Nas páxinas web municipais utilizamos cookies propias e de terceiros para mellorar os nosos servizos mediante o análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso"..

CMIX

Ensinanzas artísticas

Teñen como finalidade proporcionar unha formación artística de calidade e garantir a cualificación dos futuros profesionais da música, a danza, a arte dramática, as artes plásticas e o deseño.

Son ensinos artísticos os seguintes:

Subir

Os ensinos de música

GRAO ELEMENTAL organízase e 4 cursos, coas seguintes materias:

  • Instrumento
  • Linguaxe musical
  • Educación auditiva e vocal

Para acceder ao grao elemental, a idade mínima será de 8 anos e a máxima de 14, e deberase superar unha proba específica.

Ao finalizar este grao obtense un Certificado de Estudos Elementais.

GRAO PROFESIONAL organízase por especialidades, en 6 cursos, coas seguintes materias:

  • Materias comúns ás especialidades instrumentais
  • Materias propias das especialidades instrumentais
  • Materias comúns á especialidade de canto
  • Materias optativas

No 6º curso establécense itinerarios formativos:

  • Interpretación
  • Composición
  • Pedagoxía
  • Musicoloxía

Para acceder ao 1º curso do grao profesional haberá que superar unha proba específica.Tamén se poderá acceder a calquera outro curso do grao profesional, sen cursar os anteriores, a través de probas nas que se demostre posuír os coñecementos necesarios para cursalo con aproveitamento.

Ao superar os ensinos profesionais de música obterase o título profesional de música, onde constará a especialidade cursada. Tamén, se se superan as materias comúns do bacharelato, obterase o título de bacharel.

Tanto o grao elemental como o profesional pódense cursar no Conservatorio profesional de música e tamén nos CEMUs (Centros autorizados de música).

ESTUDOS SUPERIORES DE MÚSICA

Organízanse en diferentes especialidades e consisten nun ciclo de duración variable.

Na Coruña pódense cursar no Conservatorio Superior de Música.

Para acceder aos estudos superiores será preciso:

  • Estar en posesión do título de Bacharel ou superar a proba de acceso á universidade para maiores de 25 anos.
  • As persoas que non cumpran os requisitos anteriores poderán presentarse á Proba de Acceso aos Ensinos Artísticos Superiores para maiores de 19 anos.
  • En ambos os casos será necesario superar unha proba específica de acceso. A posesión do título profesional será tida en conta na cualificación final da proba.

Ao rematar os estudos superiores de música obterase o título Superior de Música seguido da especialidade correspondente.

Subir

Os ensinos de danza

GRAO ELEMENTAL consta de 4 cursos coas materias seguintes:

  • Danza clásica
  • Danza de carácter
  • Danza galega
  • Introdución á danza contemporánea
  • Introdución á danza española e ao baile flamenco
  • Música

 

Ao finalizar este grao obtense un Certificado de Estudos Elementais.

GRAO PROFESIONAL organízase en 6 cursos que poden realizarse segundo 3 especialidades:

  • Danza clásica
  • Danza contemporánea
  • Danza española

Cada unha das especialidades ten as seguintes materias:

  • Materias comúns
  • Materias propias da especialidade
  • Materias optativas

Ao finalizar este grao obtense o título de grao Profesional na especialidade cursada. Tamén se poderá obter o título de Bacharel se se superan as materias comúns dos dous cursos do bacharelato.

Para acceder, tanto ao grao elemental como ao profesional, é necesario superar unha proba específica. Tamén pode accederse a calquera outro curso de ambos os graos, superando unha proba na que se demostren os coñecementos necesarios para cursar con aproveitamento o curso do que se trate.

OS ESTUDOS SUPERIORES DE DANZA

Organízanse en diferentes especialidades e consisten nun ciclo de duración variable.

Para acceder aos estudos superiores será preciso:

  • Estar en posesión do título de Bacharel ou superar a proba de acceso á universidade para maiores de 25 anos.
  • As persoas que non cumpran os requisitos anteriores poderanse presentar á Proba de Acceso aos Ensinos Artísticos Superiores para maiores de 19 anos.
  • En ambos os casos será necesario superar unha proba específica de acceso. A posesión do título profesional será tida en conta na cualificación final da proba.

Ao terminar os estudos superiores de danza obterase o título Superior de Danza seguido da especialidade correspondente.

Subir

Os ciclos de artes plásticas e deseño

Grao medio:

  • Para acceder ao grao medio será necesario o título de Graduado en Educación Secundaria Obrigatoria e superar unha proba (proba específica).
    • Se non se dispón do título da ESO, pero tense 18 anos, tamén se pode acceder superando unha proba de madurez, ademais da específica.
  • Quen supere os ensinos de grao medio recibirá o título de Técnico en artes plasticas e deseño na modalidade ou especialidade correspondente.

Grao superior:

  • Para acceder ao grao superior será necesario o título de Bacharel e superar unha proba (proba específica).
    • Tamén existe unha proba de acceso para quen non teña o título de Bacharel, pero deben ter 19 anos de idade (proba de mardurez + proba específica)
  • Quen supere os ensinos de grao superior recibirá o título de Técnico Superior en artes plásticas e deseño na modalidade ou especialidade correspondente.

Subir

Ensinos de Arte Dramática

Son ensinos que teñen como finalidade a formación de profesionais, pedagogos e investigadores do fenómeno teatral e daqueloutras áreas da comunicación que del emanan.

A súa duración é de 4 anos.

A titulación que se obtén é: Título Superior de Arte Dramática seguida da especialidade correspondente.

Aquí impártese na Escola Superior de Arte Dramática de Galicia, situada en Vigo.

As especialidades que se imparten son: Interpretación, Dirección de Escena e Dramaturxia, Escenografía.

Acceso: hai que realizar unha proba de 2 exercicios, para a que se esixe estar en posesión do título de Bacharelato.

  • 1 exercicio: (común a todas as especialidades) consiste en dúas probas escritas. A é unha análise dun fragmento dunha obra dramática e a a análise dun fragmento dun ensaio teatral.
  • 2 exercicio: diferente para cada especialidade.

Subir

Estudos superiores de conservación e restauración de bens culturais

O plan de estudos de Conservación e Restauración de Bens Culturais estruturarase en 4 cursos académicos. As especialidades que integran os estudos de Conservación e Restauración de Bens Culturais son as seguintes:

  • Conservación e Restauración de Arqueoloxía.
  • Conservación e Restauración de Pintura.
  • Conservación e Restauración de Escultura.
  • Conservación e Restauración do Documento Gráfico.
  • Conservación e Restauración de Téxtiles.

Ao finalizar os estudos obtense o Título superior de conservación e restauración, na especialidade correspondente.

En Galicia impártese na Escola Superior de conservación e restauración de bens culturais de Galicia, en Pontevedra. As especialidades que se imparten son: Arqueoloxía, Escultura e Pintura.

Para acceder a estes estudos:

  • Acceso directo: co título de Técnico Superior en Artes Plásticas
  • Acceso mediante proba: co título de Bacharel. A proba consta de 3 partes:
  • Exercicio 1. Madurez e formación: Análise dun texto relacionado cos bens culturais. Terá como obxecto apreciar a madurez e formación xeral da persoa aspirante, capacidade de síntese e relación.
  • Exercicio 2. Coñecementos específicos: Trata sobre as materias de: Historia de España, Historia da arte, Física e Química, Bióloxía. A persoa aspirante debe escoller dúas das devanditas materias e desenvolver unha cuestión, de entre as catro que se propoñen para cada unha das materias elixidas.
  • Exercicio 3. Aptitude plástica: debuxo (do natural, con modelo exento e inanimado), cor (realización dun traballo sobre representación da cor) e aptitude (realización dun traballo práctico para a valoración das aptitudes específicas que requiren estes estudos).

Subir

Estudos superiores de deseño

Abarcan 4 especialidades: gráfico, de interiores, de moda e de produtos.

A duración destes estudos é de 4 cursos académicos.

Ao finalizar os estudos obtense o Título Superior de Deseño, na especialidade correspondente.

Modalidades de acceso:

  • Acceso directo: con algún título de Técnico Superior en Artes Plásticas e Deseño.
  • Acceso mediante proba específica: para as persoas que teñen o título de Bacharel. Esta proba constará de 2 partes:
  • Primeira parte: contestar por escrito tres cuestións, relacionadas cos seguintes temas:
    • A historia das artes en xeral.
    • A historia das artes aplicadas, os oficios artísticos e o deseño en xeral.
    • O deseño na especialidade que se aspira a cursar.
  • Segunda parte: consiste en 2 exercicios de debuxo
    • Primeiro exercicio: debuxo mimético a man alzada dun modelo relacionado coa especialidade.
    • Segundo exercicio: debuxo a man alzada, utilizando os sistemas e técnicas de representación mais apropiados aos estudos que se aspira a cursar, do modelo do exercicio anterior.

Non perdas

Actividades

Onde estamos

Centro Municipal de Información Xuvenil (CMIX)

Fórum Metropolitano

  • R/ Río Monelos, s/n, 15006 A Coruña
  • Tel.: 981 184 294
  • Fax: 981 184 295
  • Email: cmix@coruna.es
  • Horario: De luns a venres, de 10 a 14 e de 17 a 20 h. Sábados, de 11 a 14 h.
  • Horario de verán: pechado os sábados.
  • Agosto: De luns a venres, de 09:30 a 14:30 h.
  • Servizo de orientación legal: De luns a xoves, de 17 a 20 h.
  • Concello da Coruña
    • Ayuntamiento de A Coruña | Concello da Coruña
    • Praza de María Pita, 1. 15001 A Coruña
    • 981 184 200 ou desde dentro do termo municipal ao teléfono de atención 010
Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Safari e Microsoft Internet Explorer 10 ou superior. Instalar agora un navegador compatible

?