O obxectivo do programa é obter datos para determinar a necesidade e alcance dunha actuación por parte do Concello da limpeza de fachadas de establecementos abertos ao público: valorar a necesidade da contratación, determinar o número de establecementos interesados e o alcance da propia actuación.
As persoas beneficiarias do programa son as propietarias de establecementos comerciais e de hostalería, así como de establecementos con actividades profesionais (microempresas e pequenas empresas) que se atopen abertos ao público e teñan fachadas exteriores do propio local afectadas por pintadas e/ou graffitis.
Para participar no programa as persoas interesadas deberán presentar, nalgún dos Rexistros Municipais, a solicitude de participación que figura como Anexo nestas bases e o resto da documentación que se indica no prazo máximo dun mes desde a súa publicación no taboleiro de anuncios na sede electrónica municipal (https://sede.coruna.gob.es)
Fin do prazo: 19.12.2018
As persoas interesadas quedarán nunha lista de agarda por orde de inscrición, por si se desenvolve finalmente a iniciativa municipal da limpeza de fachadas. Con posterioridade ao dito prazo poderanse incorporar novas solicitudes, igualmente por orde de inscrición, en tanto se conte con dispoñibilidade e medios para realizar ou ampliar o programa.
Documentos relacionados
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible