Nos tempos actuais, onde a maioría dos medios de comunicación forman parte de grandes imperios mediáticos sometidos aos intereses do Goberno e as grandes corporacións, a reivindicación da figura de I.F. Stone é máis necesaria ca nunca.

Os protagonistas da película, unha nova onda de xornalistas de investigación de medios independentes dos Estados Unidos, recuperan o seu legado e dan a cara para defender o dereito da cidadanía para acceder a unha información libre de interferencias, contrastada e honesta.

"Todos os gobernos menten" pon cara e dá voz aos nomes que hai detrás de temas tan espiñentos como o caso Snowden, as fosas comúns na fronteira con México ou a violación do dereito á intimidade da cidadanía.

Glenn Greenwald, Jeremy Scahill, Amy Goodman e Michael Moore, entre outros, ofrecen o seu testemuño nun documental producido por Oliver Stone.

Canadá (2016) 90 minutos

VO en inglés subtitulada en castelán

O director

Fred Peabody é director e xornalista, gañador dun premio Emmy en 1989 por unha das súas películas para televisión. Durante sete anos foi director do aclamado programa de investigación The Fifth Estate para a CBC, a televisión pública canadense.

En 2003 produciu o documental Perfect Illusions sobre os trastornos alimenticios entre a mocidade e que emitiu a PBS.

Premios e festivais

DocsBarcelona - España, 2017.

Best of Fests, IDFA - Países Baixos, 2016.

Sección Oficial, TIFF-Toronto International Film Festival - Canadá, 2016.

Ficha técnica

Dirección: Fred Peabody

Produción: Peter Raymont, Andrew Munger e Steve Ord

Producción executiva: Jeff Cohen e  Oliver Stone

Edición: Jim Munro e James Yates

Fotografía: John Westheuser

Son: Sanjay Mehta, Peter Sawade e Jason Milligan

Música: Mark Korven