Gala fin de curso da Academia de Pilates e Danza da Coruña
Para público en xeral
20/06/2019
Xa rematou
20.00 h
Teatro Rosalía de Castro. Rúa Riego de Agua, 37, A. 15001 A Coruña
8'00 €
O espectáculo constará de 14 coreografías do alumnado do centro, tanto persoas adultas coma nenos/as. O que pretendemos é ensinarlles a familiares, amizades e todas aquelas persoas interesadas no mundo da danza os progresos que realizou o dito alumnado na escola durante todo o curso escolar.
O tema que escollemos este ano é a música e o baile ao longo dos continentes. Con este escenario de fondo narraremos a historia dun home que viaxa cumprindo a última vontade do seu pai. Cada país polo que pase terá a súa propia coreografía, típica deses lugares. As actuacións que se representarán serán as de ballet clásico, baile moderno e Classic Barré. Esta última disciplina é propia da nosa academia e trátase dunha fusión da danza clásica e o pilates, traballando na barra de ballet con movementos coreografiados ao ritmo da música.
Todas as coreografías que imos representar son orixinais e nosas, é dicir, creámolas entre todo o profesorado da escola.
Venda de entradas:
Despacho Central, praza de Ourense: de luns a venres de 9.30 a 13.00 e de 16.30 a 19.30 h
Despacho do Teatro Rosalía: só abre os días de función de 16.00 a 20.00 h
Televenda: 902 044 226
Web: https://www.ticketea.com/entradas-danza-fin-de-curso-pilates-y-danza-bailarines-del-mundo/
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible