Un ano máis podemos gozar do Belén instalado no Palacio municipal. Ocupa un espazo de 100 metros cadrados na Sala de Exposicións do Palacio Municipal de María Pita e conta con máis de 250 figuras orixinais realizadas polo taller Gárgola.

Parte das pezas son personaxes históricos relacionados coa cidade, como é o caso de Breogán, María Pita, Pablo Picasso, María Casares, Emilia Pardo Bazán, Concepción Arenal, Arsenio Iglesias, Mauro Silva, Isaac Díaz Pardo, Luis Seoane ou o doutor Vázquez Iglesias, entre outros.

A novidade deste ano é a peza dedicada a Antonio Martí Villardefrancos, fotógrafo coruñés e na actualidade presidente da Cociña Económica.

Pódese visitar en horario de 12 a 14 e de 19 a 21 h.