Institución dedicada á investigación en ciencias do mar, especialmente no relacionado co coñecemento científico dos océanos, a sustentabilidade dos recursos pesqueiros e o medio ambiente mariño.

O Oceanográfico coruñés fundouse en 1968, polo que este ano cumpre os seus primeiros 50 anos de vida. Dentro dos actos de celebración do cincuentenario, organízase a exposición Centro Oceanográfico da Coruña: 50 anos explorando o mar, en colaboración co Concello da Coruña. Nela repasarase a traxectoria desta institución. Na mostra exhibiranse distintos aparellos de mostraxe e de laboratorio, así como coleccións de animais mariños e paneis explicativos das funcións deste centro de investigación.