Lehman Trilogy conta a historia de 3 xeracións da familia Lehman desde o seu ascenso ata a súa caída. Desde que Henry Lehman, fillo maior dun comerciante xudeu de gando, sae de Baviera en 1844 e chega a EEUU en busca do soño americano e unha vida mellor, ata a caída de Lehman Brothers, uns dos maiores bancos de investimento en 2008, que desencadeou a peor crise financeira no mundo da que aínda sufrimos as súas consecuencias.

Máis de 120 personaxes desfilan diante dos nosos ollos da man de 6 músicos actores nunha fascinante e divertida viaxe que narra, a través do humor e do relato, as diferentes etapas da construción e deriva do capitalismo moderno, nun ton mordaz e irónico cun aroma á vez pedagóxico e crítico, facendo o público partícipe dos vaivéns da economía.

Lehman Trilogy percorre, a través de 150 anos, a historia do capitalismo moderno reflexionando sobre o poder destrutor do diñeiro e a deshumanización que sufriron as institucións económicas e políticas desbordadas pola tola carreira en busca do fácil beneficio.

Con Ferrán González, Dario Paso, Leo Rivera, Pepe Lorente, Litus Ruiz, Aitor Beltrán

Dirección: Sergio Peris-Mencheta

Compañía: Barco Pirata Producciones

Venda de entradas:

Despacho Central, praza de Ourense: de luns a venres de 9.30 a 13.00 e de 16.30 a 19.30 h

Despacho do Teatro Rosalía: só abre os días de función de 16.00 a 20.00 h

Televenda: 902 044 226

Web: https://www.ticketea.com/search/?term=lehman trilogy