Integrantes da Sinfónica de Galicia asaltan as rúas da cidade da Coruña armadas e armados cos seus violíns, violas, chelos, trompas e frautas para interpretar a música de Bach, Mozart, Reich, Ravel ou Kurtag no Día da Música que se celebra mañá venres, 21 de xuño.
Para público en xeral
21/06/2019
Xa rematou
19:00 h no museo Picasso
Casa Museo Picasso. Rúa Payo Gómez 14, Bj y 2. 15004 A Coruña
O grupo instrumental Século XX (Florian Vlashi, Mihai Tanasescu, Raymond Arteaga e Ruslana Prokopenko) inicia o asalto ás 11:00 horas no vagón 3 do tren A Coruña-Vigo onde ofrecerá de Steve Reich o seu "Different Trains", mentres á mesma hora o violinista Gabriel Busi e o trompa Manuel Moya estarán no Centro de Día Barrio das Flores (AFACO) para interpretar obras de Bach, Mozart e Monti. Media hora máis tarde, ás 11:30 horas, o día continúa co grupo Orphelion (María José Ortuño, Deborah Hamburger, Luigi Mazuccato e Berthold Hamburger) que actuarán na residencia de persoas maiores da Congregación das Irmanciñas dos Anciáns Desamparados e un repertorio dedicado integramente a Mozart (ese bálsamo...).
Ás 12:00 horas a batalla musical polo Día da Música continuará na Praza José Toubes Prego, San Pedro de Mezonzo (ACCEM) co Grupo de Percusión da OSG (entre os que figuran José Trigueros, Alejandro Sanz e José Belmonte), e ás 18:00 horas continuará na Academia de Belas Artes, no que un cuarteto de profesores da OSG (Dominica Malec, Enrique Igrexas, Vladimir Rosinskij e Ruslana Prokopenko) ofrecerán músicas de Rowley, Bach e Mozart.
O Museo Picasso recibe ás 19:00 horas o violinista Florian Vlashi, quen interpretará sós de Quiroga, Ravel e Kurtag e ás 20:30 horas a Camerata Brigantina actuará na entrada da biblioteca Durán Loriga cun programa con pezas de Albinoni, Mozart, Vivaldi e Jenkins.
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible