Exposición temporal no Museo Arqueolóxico e Histórico Castelo de San Antón:
Para público en xeral
Dende o 09/06/2017 ata o 24/09/2017
Xa rematou
Horario de apertura e tarifas: os do Museo Arqueolóxico
Martes- sábado de 10:00 a 19:30 (a 21:00 xullo e agosto)
Domingos de 10:00 a 14:30 (a 15:00 xullo e agosto)
Luns pechado ao público
Castelo de San Antón. Paseo Alcalde Francisco Vázquez 2. 15001 A Coruña
Tarifas: 2 € Xeral / 1 € Reducida/ Gratuíta todos os sábados
Nas escavacións arqueolóxicas de 2004 confirmouse o excepcional achado dunha gran casa romana de porte señorial no interior do castro de Chao Samartín (Grandas de Salime, Asturias), construída a comezos do século I como residencia dun destacado personaxe da administración imperial. Durante a campaña de consolidación de 2013, verificouse a existencia nela de pinturas murais conservadas na súa posición orixinal.
Estes elementos serven de eixo para explicar unha etapa clave da historia do noroeste que estivo marcada pola tutela militar que Roma estableceu tras o dominio de cántabros, ástures e galaicos, e as transformacións sociais que se produciron no seo das comunidades indíxenas que habitaban nos castros.
Todo o anterior ten os seus paralelos na cidade da Coruña, na que existen castros como os de Elviña (tamén con obxectos de ourivaría) ou Nostián, así como pinturas murais aparecidas na rúa Rego de Auga ou no Cantón Grande. Estes restos poden ser contemplados na planta baixa do museo.
Inauguración: día 09 de xuño ás 20:00 h, na que o Comisario da mostra, Ángel Villa Valdés, técnico do Museo Arqueológico de Asturias, fará unha introdución da mostra e guiará unha visita á mesma.
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible