A fotógrafa percorreu o mundo en busca de espazos nos que o home conserva aínda unha estreita vinculación co océano e polo tanto mantén unha relación de respecto e coidado profundo. Mittermeier conviviu con diversas comunidades indíxenas-en Hawaii, India ou Madagascar- que viven do mar e para o mar. Na beira é unha produción do Festival que se presenta na Coruña por primeira vez.

Bióloga mariña de formación, Cristina Mittermeier é fotógrafa, conferenciante e exploradora de National Geographic e fundadora de Sea Legacy, unha organización que loita pola defensa dos océanos mediante o poder das historias. Ao longo da súa carreira, Mittermeier editou 24 libros de fotografía de natureza e publicou artigos nalgunhas das revistas máis prestixiosas do mundo, como National Geographic ou Time. Foi galardoa co premio Mission Award da Asociación Norteamericana de Fotografía de Natureza, o Smithsonian Conservation Photographer of the Year Award e o Imaging Award for Photographers Who Give Back. É membro da Academia Mundial de Fotografía e Artesá Sony de la Imagen. Recentemente foi recoñecida, pola revista Outdoor Magazine, como unha das figuras máis influentes do mundo en fotografía de natureza.

A exposición "Na beira" compleméntase con visitas para público xeral e para grupos escolares.

Outras actividades de Cristina Mittermeier na Coruña; Story Telling, Taller "Como contar historias para cambiar o mundo" e Visionado de portfolios.

+info: www.cristinamittermeier.com