É un proxecto ambicioso, desexado longamente, nacido co propósito de experimentar a gratitude pola vida. E hoxe por fin ve a luz. Hoxe nace o noso Planeta Terra. Dúas viaxeiras deste non-tempo son as encargadas de iniciarnos nesta aventura.

Desde os principios de lava e lume ata as auroras boreais do Ártico, pasamos polos misterios do océano e bosques milenarios, sempre acompañados por algún dos seus simpáticos habitantes. Unha viaxe para redescubrirmos o noso planeta Terra e emocionármonos con el.

Dúas viaxeiras interestelares experimentarán o seu paso pola terra, vivindo diferentes emocións nas catro paisaxes que descubrirán.

En Esferic hai catro escenas que representan os ciclos da vida a nivel macro e micro.

Idea orixinal: Aboon teatro e Eduardo Telletxea. Dirección: Eduardo Telletxea. Interpretación: Anna Serra e Mei Samarra.

VENDA DE ENTRADAS

DESPACHO CENTRAL DE BILLETES DA PRAZA DE OURENSE: de luns a venres, agás festivos, de 9.30 a 13.00 e de 16.30 a 19.30 h

DESPACHO DE BILLETES DE ÁGORA: aberto só os días de función, desde unha hora antes (só se quedan entradas dispoñibles)

TELEVENDA: 902 044 226 (de luns a venres de 9.00 a 22.00 h, sábados de 14.00 a 22.00 h e domingos de 16.00 a 21.00 h) e na web