Partindo dos estereotipos asignados tradicionalmente ás mulleres, e facendo uso do humor e a ironía, esta exposición homenaxea a todas as mulleres que se dedicaron e se dedican á investigación e á ciencia.
Para público en xeral
Dende o 03/04/2018 ata o 30/04/2018
Xa rematou
Luns a Venres: De 09:00 h. a 21:00 h.
Sábados: De 09:00 h. a 14:00 h. e de 16:00 h. a 21:00 h.
Biblioteca Municipal Fórum Metropolitano. Rúa Río Monelos 1. 15006 A Coruña
981184298
Esta exposición, que estará dispoñible para a súa visita todo o mes de abril no Fórum Metropolitano, vén completar os obxectivos que persegue e novo centro de interese Xénero e feminismos, dispoñible na Biblioteca Ágora. Podes visitala libremente ou anotándote nunha das visitas guiadas que organizamos e que atoparás ao final desta páxina.
Unha homenaxe e/ou recoñecemento ás que foron ignoradas e ocultadas, ás que asinan os seus escritos e patentes, ás que teñen premios e ás que os merecen. O fogar, o cuidado das persoas maiores e da infancia, o ensino, a saúde, foron lugares e profesións destinados tradicionalmente ás mulleres.
E elas, coñecendo estes espazos, enfrontaron as súas necesidades: investigaron e inventaron solucións para mellorar a súa vida e a das persoas das que coidaban.
Moitas mulleres sobresaíntes están nesta exposición: no terreo da saúde, Elena García desenvolveu Atlas 2020, un exoesqueleto para nenos/as, armazón que detecta o movemento residual de enfermidades neuromusculares; no cuidado de neonatos/as; Virginia Apgar ideou en 1953 unha proba-escala estandarizada: o test de Apgar. No terreo do fogar, Florence Parpart foi unha empresaria que inventou e patentou o frigorífico. No ensino hai grandes pedagogas, entre as que atopamos a Ángela Ruiz Robles, quen sendo mestra en Ferrol deseñou a enciclopedia mecánica. Outras foron grandes biólogas, aviadoras, bioquímicas ou excelentes enxeñeiras ou matemáticas.
Actividades relacionadas
Tamén che pode interesar
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible