Con esta exposición, o que se pretende é achegar a todo o público interesado a actualidade máis recente da ilustración de libros en Galicia.
Para público en xeral
Dende o 25/04/2018 ata o 03/06/2018
Xa rematou
Sala Municipal de Exposicións Salvador de Madariaga. Rúa Durán Loriga 10, Bj. 15003 A Coruña
A obra que se expón en Ilustrando Galicia (2016 - 2017) pretende ofrecer un achegamento á realidade máis actual da ilustración de libros nesta Comunidade. Para facelo, atendeuse aos libros editados nos anos 2016 e 2017 e seleccionáronse 23 artistas galegos ou establecidos en Galicia, que tiveran obra publicada nese período, e que se tratase de primeiras edicións.
Entre os 23 ilustradores e ilustradoras presentes na exposición atopamos artistas cunha ampla traxectoria que veñen mantendo a súa actividade ao longo do tempo ata o momento actual, artistas ben coñecidos e tamén recoñecidos dentro e fóra da nosa Comunidade. E, xunto a eles, está aquí representada unha nova promoción de homes e mulleres que inician agora a súa andaina como ilustradores.
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible