A través dunha exposición composta por paneis informativos, fotografías e lentes de realidade virtual a persoa visitante poderá viaxar a Bangladesh e poñerse na pel destas persoas que tiveron que fuxir de Myanmar e que viven en campos superpoboados no país veciño.

Médicos sen Fronteiras pretende con esta campaña que a sociedade galega coñeza cal é a situación desta minoría en Bangladesh. Persoal de Médicos sen Fronteiras realizará visitas guiadas á mostra e profundará nos seus contidos.

A exposición está dirixida a alumnos de 3º e 4º de ESO, Bacharelato e ciclos formativos.

A visita

A actividade, gratuíta e dunha hora de duración, está pensada para grupos de entre 25 e 20 alumnos. Realizarase de luns a venres, preferiblemente en horario de mañá (10.00 a 14.00 horas), ou de tarde (de 16.00 a 20.00 horas).

Inscricións

Os centros interesados en participar nesta visita guiada deberán inscribirse enviando un correo electrónico a msf-santiago@barcelona.msf.org coas seguintes indicacións:

• Nome do centro
• Persoa de contacto (profesor/a ou director/a do centro)
• Número e idade de asistentes
• Día e hora da visita guiada

O prazo de inscrición finaliza o 21 de novembro.