Monotipos de Ana Zapata
Monotipo: clase de gravado moi apreciado polos coleccionistas de arte debido a que o creador ou creadora en cuestión inicia todo o proceso técnico co fin de obter unha única impresión desa obra.
A quen vai dirixido:
Para público en xeral
Cando:
Dende o 16/06/2017 ata o 05/07/2017
Xa rematou
Horario:
de martes a sábado, de 11.00 a 13.30 e de 18.00 a 20.00 h
domingos e festivos, de 12.00 a 14.00 h
Enderezo:
Organiza:
A creación de monotipos é unha técnica que admite innumerables procesos experimentais e plásticos, xa que permite plasmar con total liberdade de expresión calquera tema, figurativo ou abstracto, e ata pode conxugarse con outras técnicas afíns.
O monotipo é o soporte elixido por Ana Zapata, pintora e escultora colombiana instalada en Galicia, para realizar a súa primeira mostra pictórica na Coruña, Monotipos, a cal será inaugurada o próximo 16 de xuño na Casa Museo de María Pita.
En realidade, esta é a segunda vez que a novísima artista de Medellín mostra o seu traballo na nosa cidade, pois o pasado mes de decembro realizou unha intervención artística, multidisciplinar, na dársena, titulada Ser y sombra e incluída dentro do programa Expontáneas fomentado polo Concello da Coruña.
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible