MOSCA é un xogo de nenos capaz de se converter nun pesadelo. Pedro sábeo ben. Con só dez anos xa pesa sobre el o sufrimento de ser vítima do abuso. Dun abuso que, ademais, se practica entre iguais.

O acoso escolar é un dos nosos maiores fracasos como sociedade e o índice de suicidios por esta causa resulta alarmante. Hai quen mesmo cre que é máis axeitado chamalo "asasinato social".

Con esta aposta, Sudhum Teatro volve traer a escena realidades que afectan á infancia e á educación, uns temas pouco visibles ou non tratados da maneira axeitada. Para compensar esta falta, a obra afonda sobre as emocións de quen é vítima do acoso escolar, reflexionando sobre a súa vida e prestando atención a como o medo, os prexuízos e a impotencia poden chegar a impregnar todo o seu contorno.

Dirección: Gustavo del Río.

Intérpretes: Fátima Domínguez, Luciana Drago e Fernando de Retes.

VENDA DE ENTRADAS

Despacho central de billetes da praza de Ourense: de luns a venres (agás festivos) de 9.30 a 13.00 h e de 16.30 a 19.30 h.

Despacho de billetes do Fórum: Aberto só os días de función desde unha hora antes (só se quedan entradas dispoñibles)

Televenda: 902 044 226 (luns a venres de 9 a 22 h; sábados de 14 a 22 e domingos de 16 a 21 h) e web