Exposición de Jose Manuel Peña Romay
Para público en xeral
Dende o 21/04/2017 ata o 20/05/2017
Xa rematou
Baixo o título "Paisaxe Habitada" presento esta nova exposición na galería "Arte Imagen" de A Coruña. A cidade contemporánea é a protagonista de gran parte dos cadros que a compoñen.
Un terreo aboado e fértil en que o meu universo plástico arraiga con forza, na busca contínua de novos territorios a explorar.
Xeometrías, arquitecturas, gamas cromáticas, luz e sombra, volume, personaxes, superposicións de planos e espacios tridimensionais, son algúns dos elementos constantes na miña obra. Realidade e ficción mestúranse, sendo ás veces un todo.
Intento que a mirada que proxecto sexa un crisol onde se produce a alquimia, a maxia. Ver e expresar máis aló do común e do simple e sobre todo lograr emocionar. Ese é o meu obxectivo, tal vez difícil de acadar.
Este recorrido faime deter, con frecuencia, frecuencia, fronte ao mar, cuxa xeometria plana e cuxa forza cromática me atraen inevitablemente.
As acolledoras terrazas do bulevar convídanme a repoñer forzas. Mentres soa a música dos artistas da rúa, que me emociona de novo. E pérdome entre o ir e vir das personaxes que habitan esta paisaxe.
Peña Romay-Paisaxe Habitada
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible