Achados arqueolóxicos e textos literarios permítennos saber con moita exactitude como se organizaban as cidades e como eran as persoas que vivían nelas. Con todo, mesmo no caso das cidades romanas mellor conservadas, como Pompeya, resulta difícil imaxinar a actividade que se vivía nas rúas: os negocios, os cheiros, as formas de expresión ou a relixiosidade popular; todo o que se cocía arredor dos grandes escenarios do senado, o foro, os teatros ou o circo.

Trátase de viaxar no tempo, coñecer como vivían os homes e as mulleres doutras épocas, participar nas súas actividades e os seus rituais. Entusiásmannos a grandeza e a opulencia da vida imperial e conmóvennos os pequenos detalles que a achegan á nosa propia realidade e fannos sentir herdeiros dunha cultura milenaria. O imperio Romano foi un dos destinos preferidos deste tipo de viaxes, un período fascinante que inspirou novelas, películas e series de televisión.

Romanorum Vita é unha exposición de divulgación histórica pensada para todos os públicos. Convídanos a pasear por unha cidade romana, un día calquera, pouco antes da destrución de Pompeya, no ano 79 d.C., en plena época imperial. E descubrir que os romanos non están tan lonxe de nós...

Esta actividade pertence ao proxecto:

http://www.educaixa.com/-/proxecto-romanorum-vita

Atoparás máis información en: www.romanorumvita.com