A escuridade, o forzado silencio e a incómoda humidade que se respira no vestíbulo evócalle un soliloquio co que percorre trazos de distintas vidas ata chegar á súa propia.

Personaxes díscolos, como non (un tío avó coa súa parella de Almansa, un grupo de adolescentes punkys con moto, unha rapariga na beira dunha estrada...), que provocan situacións non menos disparatadas.

O público, envolto na historia, reacciona con empatía cara á voz que lles conta, e mira cos ollos grandes todo o que vai experimentando.

Moitas gargalladas, algunha situación basta superada con habilidade, tenrura e humor e tamén preguntas. O espectáculo enche o público de moita risa, emoción e tamén preguntas ás que ninguén ten obriga de contestar.

Sobre o escenario póñense a bailar como parella a vida e a morte ao ritmo e son que as risas do público marcan.

Todas as vidas deberían acabar bailando así.

Autoria, dirección e interpretación: Félix Albo

Idioma: CASTELÁN

VENDA DE LOCALIDADES

Despacho Central da praza de Ourense: de luns a venres (excepto festivos) de 9.30 a 13.00 e de 16.30 a 19.30 h

Despacho do Fórum Metropolitano: aberto só días de función desde unha hora antes (só se hai localidades dispoñibles)

Televenda: 902 044 226 (de luns a venres de 9.00 a 22.00 h; sábados de 14.00 a 22.00 h; domingos de 16.00 a 21.00 h) ou web