23 de decembro de 2019
A Concellaría de Deportes quere que os mais pequenos sexan os protagonistas do noso “Nadal deportivo e creativo”. Para iso convoca aos alumnos e alumnas das Escolas Deportivas Municipais a participar nun concurso de debuxo e creatividade.
Procedese a publicación da acta da votación realizada o día 18 de decembro na que resultaron agraciados as seguintes participantes, asi mesmo pode ver a obra gañadora en cada unha das ligazóns:
Os gañadores recibiran o seu premio o día 26 de decembro no Palacio dos Deportes de Riazor
Pode consultar a acta na seguinte ligazón:
29 de Noviembre - Convocatoria
MODALIDADES DO CONCURSO
Bases do Concurso (Ou documento adxunto ao pé da notícia)
Participantes: poderá participar exclusivamente os alumnos e alumnas das Escolas Deportivas Municipais que teñan idades comprendidas entre os 6 e os 11 anos cumpridos a 31 de decembro de 2019.
Lugar: os debuxos faranse no Palacio dos Deportes de Riazor nun espazo habilitado ao efecto.
Data: 6 de decembro de 2019 (venres)
Horario: a calquera hora entre as 10:00 e as 13:00 horas.
Dentro de ese horario, os nenos e nenas poden acudir á instalación deportiva e realizar o seu debuxo. Para acceder á instalación será necesario que as nenas e nenos veñan con calzado deportivo.
Durante o tempo do concurso, os participantes estarán en todo momento acompañados polo persoal do Servizo Municipal de Deportes e por monitores, podendo os pais e nais deixalos as 3 horas na instalación para que debuxen e xoguen.
Materiais: poñerase a disposición dos participante o material necesario para realizar o debuxo.
Límite: só se permitirá un debuxo por participant
Inscrición: para participar debese traer cuberto o día 6 de decembro o Anexo I (Ou documento adxunto ao pé da notícia) que se achega a esta convocatoria e que estará publicado na páxina en liña www.coruna.gal/deportes.
Participantes: poderán participar as familias das Escolas Deportivas Municipais.
Neste caso é un concurso colectivo onde pode participar unha unidade familiar (un neno cos seus pais, unha avoa cos seus netos, etc.). O único requisito é que un dos participantes sexa un ou unha alumno/a das escolas.
Os participantes deberán elaborar un adorno de Nadal con material reciclado. Poderán melloralo con algún tipo de coloración ou brillantina. Non obstante, a esencia do adorno ten que ser material xa usado ao que lle temos que dar outro uso.
Lugar de presentación: o adorno de Nadal deberá presentarse nas seguintes instalacións deportivas municipais: CD da Torre, Barrio das Flores ou CD de Riazor.
Prazo: o prazo para presentar o adorno remata o venres 13 de decembro.
Limitación: só se aceptará un adorno por familia participante.
Forma de presentación: deberá vir dentro dunha caixa de cartón (a que poder ser tamén reciclada). A caixa debe presentarse pechada. No interior da caixa deberá incluírse tamén a solicitude para participar no concurso.
Inscrición: para participar deberase cubrir o Anexo II (Ou documento adxunto ao pé da notícia) que se achega con esta convocatoria e que estará publicado na páxina en liña www.coruna.gal/deportes.
EXPOSICIÓN
A concellaría de Deportes reservase a facultade de realizar unha exposición cos debuxos e adornos presentados. A exposición farase no Palacio Municipal dos Deportes de Riazor e poderase ampliar a outras instalacións municipais en función do volume de participantes.
A exposición realizarase ata o día 7 de xaneiro de 2020
SELECCIÓN DOS GAÑADORES OU GAÑADORAS
Para a selección dos gañadores ou gañadoras constituirase un xurado composto por 5 persoas que forman parte da concellaría de Deportes do Concello da Coruña.
Realizarase unha votación mediante un sobre pechado e elixirase un gañador ou gañadora por cada categoría.
A selección do gañador ou gañadora farase o xoves 18 de decembro ás 14:00 horas no Palacio Municipal dos Deportes de Riazor. A selección será pública.
REGALOS PARA OS GAÑADORES
O gañador ou gañadora de cada categoría chamarase por teléfono para que veña a recoller o seu regalo á concellaría de Deportes. Os regalos entregaranse na semana do 23 de decembro.
O regalo consistirá nun lote de produtos relacionados con esta concellaría ou co Concello da Coruña.
DEBUXOS E ADORNOS PREMIADOS
Os debuxos e adornos premiados quedarán en poder da Concellaría de Deportes do Concello da Coruña que se reserva o dereito de reproducir, utilizar e publicar por calquera medio.
O gañador ou gañadora non terá dereito a percibir ningún tipo de retribución económica polo seu debuxo ou adorno creado.
DEBUXOS NON PREMIADOS
Se transcorridos 15 días dende o peche da exposición ao público, non se recollesen os debuxos ou adornos, entenderase que son doados a este Concello, o cal poderá dispoñer deles libremente.
ACEPTACIÓN DAS BASES
A participación no concurso supoñerá a aceptación destas bases na súa totalidade.
Documentos relacionados
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible