12 de decembro de 2019
A Papanoelada sairá da chaira multiusos do Burgo ás 16:30 h, para rematar ás 19:00 h na Mariña da Coruña
Este sábado 14 de decembro terá lugar a 6.ª Papanoelada Moteira da Coruña a partir das 16.30 h. Na mañá dese mesmo día, unha pequena comitiva visitará a Real Institución Benéfico Social Pais Rubinos para facer compañía ás persoas usuarias e levará uns obsequios obtidos pola achega de persoas colaboradoras coa causa.
Durante a tarde terá lugar o roteiro moteiro, que sairá da chaira multiusos do Burgo ás 16:30 h, para rematar ás 19:00 h na Mariña da Coruña. No roteiro percorreranse os Concellos de Culleredo, Cambre e A Coruña, realizando unha parada na Torre de Hércules para realizar a xa tradicional fotografía co faro de fondo.
Ademais, este evento destinarase á recollida de alimentos e roupa para a Real Institución Benéfica Social Pai Rubinos. Para isto, na chaira do Burgo, á saída, e na Mariña, á chegada, establecerase un centro de recollida para todos aqueles que queiran colaborar con este fin benéfico.
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible