A Casa das Ciencias é un museo interactivo do servizo municipal Museos Científicos Coruñeses que abriu as súas portas o 1 de xuño de 1985.

Situada nun palacete dentro do parque de Santa Margarita, conta cun planetario e tres plantas de exposicións: experiencias de física, exposición sobre péndulos e exposición sobre a astronomía nos medios de comunicación. No oco da escaleira central oscila un péndulo de Foucault.

EXPOSICIÓNS

> A TRAVÉS DO JAMES WEBB

Exposición fotográfica con nove imaxes extraordinarias tomadas polo telescopio espacial James Webb, nas que é posible observar, por exemplo, o nacemento dunha estrela no centro dunha nube de gas e po ou unha perspectiva de Júpiter na que se aprecian as súas características franxas horizontais, os seus aneis ou os seus satélites.

> FÍSICA EN ACCIÓN

Xoga, sente, imaxina, pensa, sorrí, soña... Experimenta cos módulos interactivos do primeiro piso, e esperta a túa curiosidade pola física. Na Casa das Ciencias o importante non son as respostas senón facerse preguntas: ¿pode baixarse unha costa cara arriba?, ¿como se moven as dunas?, ¿que tamaño pode alcanzar unha pompa de xabón?

> PURO SWING

A exposición Puro swing é unha colección de quince módulos interactivos para xogar e experimentar sobre aspectos relacionados co movemento dos péndulos. Súbeche a unha randeeira diferente, comprende o segredo do botafumeiro, mira como a gravidade fai debuxos xeométricos ou descobre como funcionaban os reloxos antes de que houbese pilas.

> A ASTRONOMÍA COMO CHA CONTAN

A astronomía como cha contan é unha exposición sobre a forma en que os medios de comunicación tratan as noticias sobre astronomía e astronáutica. A información está distribuída en seis ámbitos que cobren desde a exploración do Sistema Solar ata os achados de planetas extrasolares ou a vida dos astronautas no espazo.

> PARQUE

As sorpresas da Casa das Ciencias traspasan as súas paredes e invaden o Parque de Santa Margarita. Proba a mover unha bóla de granito de 1500 quilos cunha soa man ou sentar xunto a unha maceira clónico do de Newton, o que lle inspirou para descubrir a lei da gravidade.

PLANETARIO

Viaxa no espazo e no tempo no planetario da Casa das Ciencias grazas aos seus proxectores dixitais, que nos trasladan con gran realismo ata os confíns do universo, e grazas ao seu proxector analógizo Zeiss, que reproduce a noite estrelada para descubrir todos os astros que poden observarse a primeira ollada.

>> As entradas para asistir ao planetario da Casa das Ciencias só poden adquirirse na recepción do museo o mesmo día da sesión.

CARTELEIRA

Luns a venres

• 18.00 h. Programa en directo sobre o ceo desta época do ano (está sesión ofrecerase só cando que non haxa un grupo escolar).

Sábados, domingos, festivos (excepto 27 e 28 de abril)

• 11:30 h. Lévame á Lúa (+ 10 anos, galego) (excepto 20 de abril e último sábado de mes) *
• 13:00 h. Más allá del Sol (6-12 anos, castelán) (excepto 20 de abril, e último sábado de mes)*
• 17:00 h. Hazelnuts, na procura do planeta perfecto (de 4 a 7 anos, galego)
• 18:00 h. Programa en directo sobre o ceo desta época do ano (+10 anos, cast/gal)

As persoas menores de 4 anos non poden acceder ao planetario.

O 4 de maio, con motivo do Día da Ciencia na Rúa, haberá unha programación especial.

* Os útlimos sábados de mes hai dúas sesións especiais en directo gratis. (Excepto sábado 27 de abril, sesión que se adianta ao 20 de abril)

(As proxeccións comezan á hora indicada polo que rogamos máxima puntualidade. Unha vez empezada a sesión non é posible acceder ao planetario).

HORARIO

> INVERNO (xaneiro e febreiro)

Luns a venres: 10.00 h a 18.00 h*

Sábados, domingos e festivos: 11.00 h a 19.00 h*

* O acceso péchase 30 minutos antes.

1 e 6 de xaneiro: pechado.

> PRIMAVERA (marzo a xuño)

Luns a domingo: 10.00 h a 19.00 h*

*O acceso péchase 30 minutos antes.

> VERÁN (xullo e agosto)

Luns a domingo: 10.00 h a 20.00 h*

* O acceso péchase 30 minutos antes.

> OUTONO (setembro a decembro)

Luns a domingo: 10.00 h a 19.00 h*

24 de decembro: 10.00 h a 14.00 h*

31 de decembro: 10.00 h a 14.00 h*

* O acceso péchase 30 minutos antes.

25 de decembro: pechado.

ENTRADAS

>> As entradas para visitar as exposicións e asistir ás sesións de planetario só poden adquirirse na recepción da Casa das Ciencias.

> Xeneral: 2,06 euros. Suplemento de planetario: 2,06 euros.

> Reducida*: 1,03 euros. Suplemento de planetario reducido*: 1,03 euros.

*Menores de 16 anos; maiores de 65; persoas desempregadas, tras a presentación do documento acreditativo; Carné Novo, carné de estudante e membros de familias numerosas, tras a presentación do documento acreditativo.

> Gratis

• Festivos locais do Concello da Coruña (13 de febreiro e 24 de xuño de 2024. Con reserva previa de entradas só para as sesións de Planetario)
• Día da Ciencia na Rúa. (4 de maio de 2024)
• Día dos Museos (18 de maio de 2024. Con reserva previa de entradas en liña para as sesións de Planetario, cun máximo de 3 días de antelación)
• Semana da Ciencia (do 9 ao 17 de novembro. Con reserva previa de entradas en liña para as sesións de Planetario, cun máximo de 3 días de antelación)
• Persoas con discapacidade
• Menores de 4 anos
• Guías turísticos/as no desenvolvemento das súas tarefas, tras a presentación de carné acreditativo
• Persoal docente, debidamente acreditado
• Estudantado da Universidade da Coruña, tras a presentación de carné acreditativo
• Xornalistas, debidamente acreditados/as
• Membros da Asociación de Amigos da Casa das Ciencias
• Membros da Agrupación Astronómica Coruñesa Ío

> Bono Tres Casas: 12,36 euros

• Bono tres casas: permite o acceso ás salas de exposicións da Casa das Ciencias, Domus e Aquarium Finisterrae (só un acceso por museo). É necesario conservar o bono en perfecto estado. Debe adquirirse na recepción da Casa das Ciencias, da Domus ou do Aquarium Finisterrae.

> Cartón Vente: 20,60 euros

> Cartón Vente Mini*: 10,30 euros

*Menores de 16 anos e maiores de 65

• Tarjetas Vente e Vente Mini: son nominativas, permiten o acceso ás salas de exposicións da Casa das Ciencias, Domus e Aquarium Finisterrae durante un ano natural que se conta desde a data de emisión (sen límite de accesos) e será necesario presentar o DNI cada vez que se utilicen. Á venda na recepción dos tres museos.

VISITAS ESCOLARES

Se queres visitarnos cun grupo escolar, consulta toda a información aquí.