Maquiavelo escribiu O príncipe en 1513. Cinco séculos despois, as súas palabras seguen absolutamente vixentes. É un manual escrito para que os gobernantes saiban como manexar o pobo ou é un aviso ao pobo sobre como somos manexados polos gobernantes? A ambigüidade é unha constante na obra e na vida de Niccoló di Bernardo dei Machiavelli. De feito, non creo que debamos diferenciar a unha da outra. A complexidade da súa descarnada análise política toma maior altura cando un coñece o seu angustioso periplo vital. Este foi o obxectivo ao construír O príncipe de Maquiavelo: fundir obra e creador, darlle voz a un fascinante personaxe ao que demasiados condenaron á escuridade moral sen concederlle sequera a oportunidade de explicarse. Agora tena. E debe ser escoitado para, de paso, demostrarnos que o poder, de calquera ideoloxía e en calquera época, obedece sempre ás mesmas regras, sexa cal fose o fin, sexan cales sexan os medios.

Con Fernando Cayo

Dramaturxia e dirección: Juan Carlos Rubio

Concha Busto Producción y Distribución e Juan Carlos Rubio Producciones

Venda de entradas:

Despacho Central, praza de Ourense: de luns a venres de 9.30 a 13 e de 16.30 a 19.30 h

Despacho do Teatro Rosalía: só días de función de 16 a 20 h

Televenda: 902 044 226

Para mercar entradas para o venres 23 pulse aquí

Para mercar entradas para o sábado 24 pulse aquí