Carismático,  visceral e moi  talentoso, James  Rhodes asegura que  Bach salvoulle a vida. Así nolo explicaba no prólogo do seu primeiro libro, "Instrumental. Memorias de música, medicina y locura" (7ª edición, máis de 100.000 exemplares vendidos), co que obtivo un enorme e inesperado éxito.

Rhodes converteuse nun dos principais  divulgadores da música clásica no mundo, grazas ás súas xiras e concertos en todo tipo de festivais e salas, e varios documentais sobre a súa figura filmados coa complicidade de cadeas de televisión británicas. 

O seu libro máis recente, "Fugas" -" Fire  on  all  Sides" na súa edición en inglés-, repasa unha das súas xiras máis importantes e recolle as vivencias, medos e derivas emocionais do seu día a día, sempre rodeado da música que tanto ama.

Reverenciado pola crítica polo seu estilo irreverente e innovador,  Rhodes achega un toque moi persoal a cada unha das súas actuacións. E a súa actuación deste ano na Coruña,  promete ser máxica, sen dúbida, e non deixará a ninguén indiferente...-- 

VENDA DE ENTRADAS

Despacho central de billetes da praza de Ourense: de luns a venres (agás festivos) de 9.30 a 13.00 h e de 16.30 a 19.30 h

Despacho de billetes do Teatro Colón: aberto só os días de función desde unha hora antes (só se quedan entradas dispoñibles)

Televenda: 902 044 226 (luns a venres de 9.00 a 22.00 h; sábados de 14.00 a 22.00 e domingos de 16.00 a 21.00 h) ou web