A Asociación Cultural Sen Ánimo de Nome está de volta coa súa segunda edición do 1+1Play Danza Contemporánea, que terá lugar no MAC Museo de Arte Contemporáneo da Coruña.
Para público en xeral
15/12/2018
Xa rematou
20:00 h
de balde
Performance Danza Contemporánea
Patricia Moro + Irene Chuliá + Alba Bonal ►
Madrid + Valencia + Barcelona ►
A Asociación Cultural Sen Ánimo de Nome volve por segundo ano consecutivo ao MAC Museo de Arte Contemporánea da Coruña co proxecto 1+1 Play Danza Contemporánea que terá lugar o sábado 15 de decembro ás 8 pm.
As súas protagonistas son Patricia Moro (bailarina), Irene Chuliá (bailarina) e Alba Bonal (percusionista). As tres artistas instaladas en Madrid presentan "Katauta": unha perfomance de Danza Contemporánea creada e ideada polas mesmas artistas.
Unha peza onde o baile flamenco casa coa cultura xaponesa e a figura feminina da Geisha.
Producido pola Asociación Cultural Sen Ánimo de Nome dentro do seu proxecto cultural 1+1 Play/A Coruña Artistas en Microresidencia, dentro do programa Cultura de Barrio 2018 da Concellería de Culturas da Coruña.
Unha iniciativa que busca dar máis visibilidade á danza contemporánea, e compracer ao público coruñés cunha disciplina chea de contido conceptual.
Desde o século VIII os " katauta" son preguntas e respostas de diálogos improvisados entre os poetas xaponeses; células que por si soas carecen de significado e necesitan pertencer a un diálogo para cobrar sentido. Este espectáculo de expresión corporal inspírase nos versos haikus e traslada os seus extensos discursos ao mundo do flamenco. Son e movemento convidarán o público a unha viaxe pola imaxinación, a tradición, a autenticidade, o misterio e a maxia que xorde do encontro entre dúas culturas e linguaxes diferentes.
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible