No outono (analizando o que a simple vista era unha folla seca e engurrada) empezou o meu interese polo seu aspecto humano, polas súas formas e volumes (a súa función, a súa morfoloxía, as súas veas, anatomía...) e sobre todo o seu proceso de transformación e descomposición, os seus cambios de cores, de textura ou a súa fraxilidade.

A través destas obras quero sensibilizar as persoas espectadoras sobre a beleza que existe na nosa contorna, algo tan pequeno, insignificante e fráxil coma unha folla, é realmente algo espectacular.

Fixen un estudo de cada fase, desde que está viva na árbore ata a súa morte no chan. É por iso que nesta serie experimentei con diferentes materiais, ata conseguir o que mellor se adaptada a cada unha.