A nova xira do malagueño, cuxa dimensión como artista global é xa un feito incontestable, era unha das máis esperadas do panorama musical actual. O anuncio oficial das datas nas que se poderá gozar do espectáculo de Pablo interpretando en directo as súas cancións chega apenas uns días despois da presentación do seu cuarto disco de estudio, que foi lanzado a nivel mundial o pasado día 17 de novembro. Nestas dúas semanas, Prometo recibiu multitude de eloxios e foi cualificado como unha auténtica xoia na carreira de Pablo Alborán. O entusiasmo que xerou Prometo entre os seus millóns de seguidores, ante a nova mostra de talento, como compositor e intérprete que logrou este artista excepcional aos seus 28 anos, será sen dúbida similar á expectación que vai espertar o anuncio da súa nova xira, despois do éxito rotundo que cultivou a anterior, o Tour Terral, hai tres anos.

Prometo é o resultado da valente decisión que adoptou hai dous anos cando, contra todo prognóstico, se atreveu a facer un parón na súa meteórica carreira, xusto cando alcanzara un nivel de popularidade poucas veces visto nun artista da súa idade.

VENDA DE ENTRADAS

Despacho central da praza de Ourense: de luns a venres (excepto festivos) de 9.30 a 13.00 h e de 16.30 a 19.30 h

Despacho do Coliseum: aberto só os días de concerto desde as 17.00 h

Televenda: 902 044 226 (luns a venres de 9 a 22 h; sábados de 14 a 22 e domingos de 16 a 21 h) ou web