Danza - performance

Este traballo nace dun xesto estereotipado, dunha construción consensuada e dirixida de como deben ser as cousas; nace dunha norma elaborada, a conciencia, coa intención de manter a orde establecida. A disidencia preséntase por tanto como un mal síntoma, o librepensar de Orwell en "1984" será un castigo que o individuo, ou máis ben o usuario desta realidade, non debe infrinxirse. Todo está preparado para esta experiencia onde o fundamental non é saber escoller entre as diferentes opcións xa que todas conducen ao mesmo camiño, senón buscar o lugar adecuado para gozar dun entretemento integral.

50 minutos de simulación programada é unha experiencia escénica que se desenvolve baixo unha estética do videoxogo habitada por dous avatares que desenvolven accións vinculadas ás súas respectivas identidades cosplay. Bastará con este par de personaxes de identidades polarizadas e unha escenografía que nos remita a todos eses nos lugares que habitamos diariamente para que o noso disco duro interno atope arquivos de memoria extrañamente similares ao que presenciemos en escena.

Intérprete, dirección, dramaturxia, guión, música, visuais, espazo sonoro: Félix Fernández

Dirección coreográfica: Rut Balbís

Venda de entradas

Despacho de billetes Central, Praza de Ourense: de luns a venres de 9.30 a 13 e de 16.30 a 19.30 h

Despacho de billetes do Teatro Rosalía: só abre os días de función, de 16 a 20 h

Televenda: 902 044 226