Sabemos que a música é fundamental para contaxiar o bo ambiente e as ganas de festa. Que non hai nada como escoitar esa canción que tanto nos gusta de sempre, sobre todo cando estás con amizades ou coa familia nunha xuntanza. Nas máis de catro horas que durará a quedada, desfilará unha mostra do mellor pop-rock dos anos 70 e 80, os seus protagonistas orixinais:

Danza Invisible, Seguridad Social, La Guardia, Miguel Costas, OBK, The Refrescos, Amistades Peligrosas... a quen se lles unirá o Dream Team, composto por José María Castells, Toni Peret e Quique Tejada - históricos artífices de discos como Max Mix, Bolero Mix, Eivissa Mix e Máquina total... que non deixarán que descansemos nin un segundo con música e imaxes que fará que soltemos algunha lagrimiña (películas, series, debuxos, anuncios... todo da nosa infancia).

Asistiremos a performances tributo a Queen, Dirty Dancing, Grease, Michael Jackson... E máis sorpresas nun evento presentado por Carlos Latre.

Sen dúbida será unha quedada con familiares e amigos onde gozar e dicir orgullosos: "Eu fun a EXB".

VENDA DE LOCALIDADES

Despacho Central da praza de Ourense: de luns a venres (excepto festivos) de 9.30 a 13.00 e de 16.30 a 19.30 h.

Despacho do Coliseum: aberto só días de concerto desde as 17.00 h ata o inicio do concerto (só se hai localidades dispoñibles)

Televenda: 902 044 226 (de luns a venres de 9.00 a 22.00 h; sábados de 14.00 a 22.00 h; domingos de 16.00 a 21.00 h) ou web