O Pleno Infantil está promovido por UNICEF-Comité Galicia que dá soporte metodolóxico e vela polo cumprimento da Convención sobre os Dereitos do Neno (CDN).

O alcalde recibirá o alumnado de 5º e 6º de EP dos seguintes colexios:

• CEIP Juan Fernández Latorre
• CEIP Manuel Murguía
• CEIP Víctor López Seoane
• CPR Santo Domingo

Que expoñerán as súas conclusións e farán as súas preguntas en relación aos seguintes dereitos: Identidade, Familia, Participación e Educación.

Os colexios traballaron na aula sobre a CDN e analizaron que cousas hai na localidade que fomentan ou aseguran cada un dos dereitos da infancia. Este ano, UNICEF quere centrar a atención no dereito á protección, á non violencia e á paz, para traballar sobre as consecuencias que a violencia e a desprotección teñen en todo o mundo e como repercute no cumprimento dos dereitos dos nenos e nenas en todo o mundo.